Það var líf og fjör í gærdag í blíðviðrinu á Akranesi þegar tæplega 800 manns fóru út til þess að taka þátt í hinu árlega skólahlaupi. Vegna framkvæmda við Langasand var hlaupahringnum breytt og var hlaupið í kringum æfingasvæði ÍA.
Þátttakendur fóru ýmsar vegalengdir á mismunandi hraða og mest var hægt að hlaupa 8 hringi í kringum æfingasvæðið. Að hlaupinu loknu var boðið upp á vatn og ávexti.
Á fésbókarsíðu Grundaskóla eru myndir frá þessum degi og hér eru nokkrar þeirra. Fleiri myndir má sjá í þessari færslu.
