[sam_zone id=1]

„Langisandur er einn besti sjósundstaður heims“

„Einn besti sjósundstaður í heiminum að mínu mati er Langisandur á Akranesi sem er nánast skapaður fyrir sjósund.

Erlendis myndu margir greiða fúlgur fjár fyrir að synda á slíkum stað,“ segir Benedikt Hjartarson í viðtali í Fréttablaðinu sem birt var þriðjudaginn 10. október. 

Stundar þú sjósund/sjóbað við Langasand

Benedikt er einn þekktasti sjósundmaður Íslands en hann var fyrsti íslenski sundmaðurinn sem náði að synda yfir Ermasundið.

Frá þeim tíma hafa þrír bæst í hópinn sem hafa synt yfir Ermasundið.

Benedikt hefur stundað sjósund frá árinu 2005 og eins og áður segir er Langisandur á Akranesi í fremstu röð á heimsvísu að mati Benedikts.