[sam_zone id=1]

Rúmlega 100 starfsmenn hafa útskrifast úr stóriðjuskóla Norðuráls

Um miðjan desember útskrifuðust 33 nemendur úr stóriðjuskóla Norðuráls. Þetta er í fimmta sinn sem nemendur ljúka námi í stóriðjuskóla Norðuráls og alls hafa rúmlega 100 starfsmenn fyrirtækisins útskrifast og fengið þar með aukna færni og þekkingu á lykilferlum við örugga og hagkvæma framleiðslu á áli.

Frá þessu er greint á vef VFLA.

Grunnnám stóriðjuskólans er þrjár annir og gefur þeim starfsmönnum sem því ljúka launahækkun upp á 5%.

Framhaldsnám skólans gefur af sér 5% launahækkun til viðbótar, og þeir sem ljúka við bæði stig námsins fá því samtals 10% launahækkun.

Stóriðjuskólinn var eitt af lykilatriðum hjá Verkalýðsfélagi Akraness þegar kjarasamningar voru gerðir við Norðurál árið 2011.

Glæsileg útskriftarathöfn fór fram í Norðuráli þegar nemendurnir voru útskrifaðir nú í desember.

Fleiri myndir frá athöfninni er að finna hér.