[sam_zone id=1]

Ísak Bergmann skoraði og Ísland leikur til úrslita gegn Finnum

Skagamenn hafa látið að sér kveða með U16 ára landsliði Íslands á opna Norðurlandamótinu sem fram fer í Færeyjum.

Ísak Bergmann Jóhannesson skoraði í gær í 2-1 sigri liðsins gegn Noregi.

Þar með tryggði Ísland sér sæti í úrslitaleik mótsins. Oliver Stefánsson er einnig í þessu liði og Hákon Haraldsson var einnig valinn en gat ekki tekið þátt vegna meiðsla.

Oliver og Ísak hafa báðir skorað fyrir Ísland í þessu móti.

Liðið mætir Finnlandi í úrslitaleiknum, en hann fer fram á laugardaginn og hefst klukkan 14:00 að íslenskum tíma.

Auglýsing