[sam_zone id=1]

Skagamaður í bráðri hættu í fallhlífarstökki – sjáðu myndbandið

Skagmaðurinn Jón Ingi Þorvaldsson er einn þaulreyndasti fallhlífarstökkvari landsins. Hann hefur stokkið yfir 900 sinnum á ferlinum og stökk nr. 911 var heldur betur eftirminnilegt.

Jón Ingi var staddur í Bandaríkjunum í lok október s.l. þegar hann fór í loftið í sitt stökk nr. 911.

Hann varð fyrir því óláni að aðalfallhlífin opnaðist ekki nema að hluta til í þessu stökki og má sjá atvikið í myndbandi hér fyrir neðan.

Jón Ingi tók sjálfur myndband af atburðinum með myndbandsvél sem hann var með á hjálminum. Myndbandið er að finna á youtube og er hér fyrir neðan.

Eins og sjá má í myndbandinu er ljóst að atvikið var alvarlegt og Jón Ingi leyndi ekki tilfinningum sínum á meðan hann glímdi við vandamálið sem kom upp í mikilli hæð.

Ólína Jónsdóttir, fyrrum kennari og aðstoðarskólastjóri á Akranesi, er móðir Jóns Inga sem er fæddur árið 1970. Faðir Jóns Inga, Þorvaldur Þorvaldsson, lést árið 1985 en hann starfaði lengi sem kennari á Akranesi.

Auglýsing