[sam_zone id=1]

Stefnt að opnun á sundlaugum Akraness á þriðjudag


Stefnt er að því að opna sundlaugarnar á Akranesi þriðjudaginn 17. desember. Jaðarsbakkalaug, Bjarnalaug og Guðlaug hafa verið lokaðar að undanförnu vegna skorts á heitu vatni.

Í dag, mánudaginn 16. desember, var unnið að því að ná hitastigi laugarinnar í réttan farveg og ná jafnvægi á klór í lauginni en kæling á laugum hefur mikil áhrif á virkni klórs í vatninu.

Stefnt er að opnun bæði Jaðarsbakkalaugar og Bjarnalaugar á þriðjudag og Guðlaugar á miðvikudag.