Þrjú fyrirtæki buðu í verkefnið snjómokstur 2020-2025 hjá Akraneskaupstað

Þrjú fyrirtæki tóku þátt í útboði vegna snjómoksturs hjá Akranekaupstað næstu fimm árin. Á fundi Skipulags – og umhverfisnefndar í lok nóvember 2020 var samþykkt að fela sviðsstjóra að ganga til samninga við lægstbjóðanda. Það hefur lítið sem ekkert snjóað á Akranesi það sem af er vetri og á landsvísu hefur snjókoma verið langt undir meðalári það sem af er vetri.

Um tvö mismunandi verkefni er að ræða, í fyrsta lagi er það „vetrarþjónusta götur og bílastæði stofnanir“ en kostnaðaráætlun fyrir það verkefni er 73,6 milljónir kr. og í öðru lagi er það vetrarþjónusta göngu- og hjólaleiðir en kostnaðaráætlun fyrir þann hluta er 45,5 milljónir kr,

Fyrirtækið Þróttur hf. var með lægstu tilboðin í bæði verkefnin. Tilboð Þróttar hf. í fyrra verkefni var 25% undir kostnaðaráætlun og síðara tilboðið var 250.000 kr. yfir kostnaðaráætlun.

Eftirfarandi tilboð bárust.