[sam_zone id=1]

Tæp milljón á dag í viðbótarlaunakostnað vegna kjarasamninga 2020

Viðbótarlaunakostnaður Akraneskaupstaðar vegna kjarasamninga sem gerðir voru á árinu 2020 námu rúmlega 336 milljónum kr.

Þetta kemur fram í nýjustu fundargerð bæjarráðs Akraness.

Á fundinum var viðauki við fjárhagsáætlun vegna launa lagður fram til samþykktar.

Breytingin á fjárhagsáætlun var gerð vegna samþykktra kjarasamninga við tónlistarskólakennara og félag íslenskra hljómlistarmanna – samtals að fjárhæð kr. 11.436.073.

Bæjarráð samþykkti að útgjöldunum verði mætt innan áætlunarinnar af óvissum útgjöldum og með hækkun á tekjum vegna fasteignagjalda.