Uppsjávarskipin Venus NS og Víkingur AK hafa landað samtals rúmlega 3.800 tonnum af loðnu á Akranesi í marsmánuði – samkvæmt upplýsingum á vef Fiskistofu.
Rúmlega 650 tonn af hrognum hafa skilað sér í vinnsluna hér á Akranesi samkvæmt vef Fiskistofu.
Venus NS landaði 1. og 3. mars. Í fyrri lönduninni var skipið með 440 tonn af loðnu og rúmlega 1550 tonn í síðari lönduninni. Í fyrri lönduninni voru 96 tonn af hrognum og rétt um 270 tonn í síðari lönduninni.
Víkingur AK landaði þann 4. mars alls 1800 tonnum af loðnu sem skilaði af sér um 280 tonnum af hrognum.