Nýjustu Covid-19 tölurnar – 27 ný smit í gær og 40 alls á síðustu tveimur dögum

Alls greind­ust 27 einstaklingar með Covid-19 smit á landninu í gær og voru 25 þeirra í sóttkví. Alls hafa því 40 Covid-19 smit greinst á tveimur síðustu dögum.

Hópsýking er til staðar sem tengist leikskóla í Reykjavík. Staðfest smit eru 15 á meðal starfsmanna á einum leikskóla og 7 börn.

Alls eru 97 einstaklingar í einangrun vegna Covid-19 smits og rétt um 400 eru í sóttkví. Á sjúkrahúsi eru þrír einstaklingar vegna Covid-19 veikinda.

Samkvæmt upplýsingum á covid.is er einn einstaklingur á Vesturlandi með Covid-19 smit í einangrun og alls eru 8 í sóttkví í landshlutanum.