Í dag fer fram áhugaverður körfuboltaleikur í íþróttahúsinu við Vesturgötu. Þar tekur hið efnilega lið drengja sem eru á lokaári sínu í grunnskóla, 10. bekk, á móti Grindvíkingum.
Um er að ræða leik í 16-liða úrslitakeppni Íslandsmótsins. Keppnishaldið hefur farið úr skorðum í vetur vegna Covid-19 takmarkana og verður því farið beint í 16-liða úrslit að lokinni deildarkeppninni.
Leikurinn í dag hefst kl. 15.00 og verður hann í beinni útsendingu á ÍATV.
Það er leyfi fyrir 100 áhorfendur og eru gestir minntir á að sinna persónulegum sóttvörnum og grímuskyldu Íþróttahúsið við Vesturgötu er hnetufrítt svæði, þar má hvergi vera með neinar afurðir sem innihalda hnetur.
Smelltu hér fyrir neðan til að komast inn á youtube rás ÍATV.