[sam_zone id=1]

Góð reynsla af hraðferjunni – siglt um helgar og ferðum fjölgað

Ferjan Akranes sem hefur siglt á milli Reykjavíkur og Akraness frá 14. júní s.l. mun fjölga daglegum áætlunarsiglinum sínum frá og með deginum í dag. Þetta kemur fram á mbl.is. Akranes hefur siglt þrisvar sinnum á dag en frá og með næsta mánudegi verða ferðirnar alls fjórar daglega. Þar að auki verður bætt við ferðum um helgar en margir hafa kallað eftir slíkri þjónustu. Tvær ferðir verða í boði daglega á laugardögum og sunnudögum.

Framkvæmdastjóri Sæferða, sem sér um siglingarnar, segir að þjónustan hafi farið vel af stað.

 

„Þetta fer bara vel af stað. Við sjá­um auðvitað greini­leg­an mun á hátt­ar­lagi fólks þegar það er sól eða þegar það er rign­ing og rok og það er eðli­legt,“ seg­ir Gunn­laug­ur Grett­is­son, fram­kvæmda­stjóri Sæ­ferða, í sam­tali við mbl.is.

Ferj­an tek­ur 112 farþega en mest­ur hingað til hef­ur fjöldi farþega í einni ferð verið um 60-70 manns að sögn Gunn­laugs.

Hægt er að kaupa staka ferð í ferj­una á 2.500 krón­ur eða ferð fram og til baka á 4.000 kr. Þá er einnig hægt að kaupa 20 miða kort þar sem ferðin er á 875 krón­ur.

Helg­ar­ferðirn­ar sem hefjast á morg­un verða bæði á laug­ar­dög­um og sunnu­dög­um klukk­an 10 frá Reykja­vík og klukk­an 11 til baka og þá aft­ur klukk­an 17 frá Reykja­vík og til baka klukk­an 18 frá Akra­nesi. Ferðin sem bætt verður við á virk­um dög­um frá og með mánu­deg­in­um verður að lík­ind­um klukk­an 14 frá Reykja­vík og kl. 15 til baka frá Akra­nesi.