[sam_zone id=1]

Myndband: Frábær tilfþrif hjá Birni Bergmann með Molde

Skagamaðurinn Björn Bergmann Sigurðarson hefur átt gríðarlega gott tímabil með Molde í norsku úrvalsdeildinni. Björn Bergmann er 26 ára gamall og hefur hann leikið sem atvinnumaður frá árinu 2009 þegar hann samdi við Lilleström í Noregi.

Björn Bergmann er í landsliðshópnum sem mætir Finnlandi á laugardaginn í undankeppni HM. Í myndbandinu hér fyrir neðan má sjá mörkin sem Björn hefur skorað fyrir Molde á tímabilinu.  Myndbandið segir allt sem segja þarf um hæfileikana hjá þessum frábæra leikmanni sem ólst upp á Akranesi og lék með ÍA þar til hann fór í atvinnumennsku.

Á þessu tímabili hefur Björn Bergmann skorað 11 mörk í norsku úrvalsdeildinni. Hann er eftirsóttur af stórum liðum í Evrópu og hafa forráðamenn Molde hafnað nokkrum tilboðum í Björn Bergmann.