[sam_zone id=1]

Apótek Vesturlands þakkaði fyrir sig með milljón kr. gjöf

Ólafur Adolfsson eigandi Apóteks Vesturlands færði Vesturlandsvaktinni eina milljón kr. í tilefni af 10 ára afmæli Apóteksins. Vesturlandsvaktin eru Hollvinasamtök Heilbrigðisstofnunnar Vesturlands.

Fram kom í máli Ólafs þegar hann afhenti ávísunina myndarlegu að hann hafi viljað gefa til baka – og þakka fyrir þann stuðning sem Skagamenn og nærsveitafólk sýndu þegar á móti blés.

Fyrir hvert starfsár Apóteks Vesturlands fékk Vesturlandsvaktin 100.000 kr. eða samtals eina milljón kr. Það var Steinunn Sigurðardóttir formaður Vesturlandsvaktarinnar sem tók á móti gjöfinni fyrir hönd stjórnarinnar.