[sam_zone id=1]

Íslenska málnefndin verðlaunar Grundaskóla

Grundaskóli á Akranesi hlaut nýverið sérstaka viðurkenningu fyrir árangursríkt starf tengt kennslu og ritun og vinnu tengt tungumálinu okkar.  Viðurkenningin var afhent á Málræktarþinginu 2017 sem fram fór á Þjóðminjasafninu í gær, 15. nóvember.

Í umsögn Íslensku málnefndarinnar segir:

„Grundaskóli hlýtur viðurkenningu Íslenskrar málnefndar fyrir markvissa ritunarkennslu og eftirbreytniverða kennsluhætti þar sem ritun nemenda er mikilvægur hluti náms þeirra í hinum ýmsu greinum.“

Sigurður Arnar Sigurðsson skólastjóri Grundaskóla tók við viðurkenningunni fyrir hönd skólans.

Stjórnendur Grundaskóla: Frá vinstri: Margrét Ákadóttir, Flosi Einarsson, Sigurður Arnar Sigurðsson og

Kristrún Marteinsdóttir.