Björn Bergmann eini Skagamaðurinn í landsliði Íslands

Björn Bergmann Sigurðarson leikmaður Rostov í Rússlandi – er einn af 29 leikmönnum sem leika tvo vináttulandsleiki í Bandaríkjunum. Mótherjar Íslands verða Mexíkó og Perú.

Fyrri leikurinn er þann 23. mars á Levi’s vellinum í San Francisco og sá síðari gegn Mexíkó þann 27. mars á Red Bull Arena í New Jersey.

Eins og áðurs segir eru 29 leikmenn í hópnum en nokkrir þeirra taka aðeins þátt í leiknum gegn Mexíkó.

Það eru þeir Samúel Kári Friðjónsson, Aron Einar Gunnarsson og Albert Guðmundsson, en Samúel Kári og Albert fara til móts við U21 karla sem leikur gegn Norður Írum 26. mars.

Leikirnir eru hluti af undirbúning íslenska liðsins fyrir HM í Rússlandi næsta sumar. Skagamennirnir Arnór Smárason og Tryggvi Hrafn Haraldsson fá ekki tækifæri með liðinu í þessum leikjum – en þeir hafa báðir verið í A-landsliðsverkefnum Íslands á undanförnum misserum.