[sam_zone id=1]

Jón Þór heiðraður – fékk silfurmerki ÍSÍ

Skagamaðurinn Jón Þór Þórðarson var heiðraður af Íþrótta – og Ólympíusambandi Íslands á dögunum.

Jón Þór var um margra ára skeið framkvæmdastjóri Íþróttabandalags Akraness. Hann hefur á undanförnum misserum blásið miklu lífi í starf Körfuknattsleiksfélags Akraness, sem formaður og aðalþjálfari félagsins.

Hafsteinn Pálsson, sem situr í framkvæmdastjórn ÍSÍ, sæmdi  Jón Þór silfurmerki Íþrótta- og Ólympíusambands Íslands á ársþingi ÍA sem fram fór á dögunum. Frá þessu var greint fyrst á vef ÍSÍ.