[sam_zone id=1]

Skagamaðurinn Ágúst rær af krafti í Kringlunni fyrir Frú Ragnheiði

Auglýsing



Skagamaðurinn Ágúst Guðmundsson fer framarlega í flokki slökkviliðsmanna sem standa vaktina í söfnun fyrir Frú Ragnheiði. Ágúst er einn af sjö manna hópi sem hefur róið stanslaust frá því á föstudaginn en róðravélarnar eru staðsettar við verslunina Und­er Armour í Kringlunni í Reykjavík.

Ágúst er fæddur árið 1972 og foreldrar hans eru Helga Ragnheiður Höskuldsdóttir og Guðmundur Sigurðsson.

Hver slökkviliðsmaður rær í eina klukkustund og skiptast þeir á að róa allan sólarhringinn.  Söfnunin hefur gengið frábærlega að sögn Ágústs.

Upp­haf­legt mark­mið var að safna hálfri millj­ón til að kaupa ákveðið tæki fyr­ir Frú Ragn­heiði, sem er verk­efni Rauða kross­ins í Reykja­vík og hef­ur það mark­mið að ná til jaðar­settra hópa í sam­fé­lag­inu eins og heim­il­is­lausra ein­stak­linga og þeirra sem nota vímu­efni í æð.

Tækið sem um ræðir kost­ar um fimm hundruð þúsund krón­ur og er eins kon­ar vasa­ljós sem auðveld­ar að lýsa upp illa farn­ar æðar. Söfn­un­in fór það vel af stað að mark­miðið náðist um helg­ina og þá var stefn­an sett hærra og nú er mark­miðið að safna einni millj­ón króna.

Í morg­un höfðu safn­ast rúm­lega 670.000 krón­ur en þá er ótalið það sem safn­ast hef­ur í stærðar­inn­ar söfn­un­ar­bauk sem er fyr­ir utan Und­er Armour verslunina.

Róðrin­um lýk­ur klukk­an 17 á föstu­dag.

Í samstarfi við Frú Laufey-félag um skaðaminnkun ætla sjö slökkviliðs- og sjúkraflutningamenn ( konur og menn) að róa á Concept2 róðravél, stanslaust í eina viku og safna þannig fjármunum fyrir Frú Ragnheiði-skaðaminnkun sem verður m.a. notað til tækjakaupa.

Hægt er að leggja söfnunni lið með eftirfarandi hætti:

Smella á gefa.raudikrossinn.is/8287


Senda SMS-ið TAKK í símanúmerið 1900 til að gefa 1900 kr

Hægt verður að mæta í Under Armour-búðina í Kringlunni og „taka róður“ gegn vægu gjaldi – 1.000 kr. sem renna eðlilega beint í þetta mikilvæga málefni.

Frú Ragnheiður- skaðaminnkun er verkefni Rauða krossins i Reykjavík og hefur það markmið að ná til jaðarsettra hópa í samfélaginu eins og heimilislausra einstaklinga og þeirra sem nota vímuefni í æð. Frú Ragnheiður er sérinnréttaður bíll sem er ekið um götur höfuðborgarsvæðisins, sex kvöld í viku. Þangað geta einstaklingar leitað og fengið heilbrigðisaðstoð sem og nálaskiptiþjónustu. Markmiðið með nálaskiptiþjónustu er að draga úr líkum á sýkingum og smiti svo sem lifrarbólgu C og HIV meðal þeirra sem sprauta vímuefnum í æð.

Auglýsing



Auglýsing