Minningarveggur um David Bowie vekur ávallt athygli ferðamanna á Akranesi en veggurinn á húsgafli við Kirkjubraut 8 – sem er í miðbæ Akraness og hýsti eitt sinn lögreglustöð og veitingahús.
Björn Lúðvíksson og Halldór Randver Lárusson eiga heiðurinn af veggnum sem fjölmargir hafa myndað sig við og hróður hans hefur borist víða um lönd og þar með Akranes líka.
Umfjöllun um vegginn verður í næsta tölublaði David Bowie Glamour Magazine, sem er stærsta aðdáendablað um David Bowie í heiminum.
Björn fékk hugmyndina að veggnum í kjölfar andláts Bowies. Þá er farið að gera slíka minningarveggi víða um heim en sá frægasti er í Brixton í London þar sem Bowie ólst upp.
„Það hafði verið að brjótast um í mér að gera slíkan vegg á Íslandi og af því að ég er á Akranesi ákvað ég bara að hafa hann þar. Ég hafði samband við einn góðan Bowie-vin minn sem er grafískur hönnuður, Halldór Randver Lárusson, og spurði hvort hann væri til í að hjálpa mér við að útfæra þetta. Við settum myndirnar á glæru og vörpuðum á vegginn og teiknuðum,“ segir Björn í viðtali við mbl.is.
Hér má sjá Björn Thoroddsen taka lagið fyrir framan David Bowie vegginn.
Auglýsing
Auglýsing
