Tveir Skagamenn í A-landsliði karla í fyrstu EM leikjum Íslands

Tveir Skagamenn eru í A-landsliðshóp karla sem tekur þátt í leikjunum gegn Andorra og Frakklandi í undankeppni EM 2020 í knattspyrnu karla.

Erik Hamren, landsliðsþjálfari, tilkynnti um valið í dag.

Arnór Sigurðsson (CSKA Moskva) og Björn Bergmann Sigurðarson (Rostov) eru í hópnum en þeir leika báðir með liðum í Rússlandi.

Báðir leikirnir fara fram ytra. Ísland mætir Andorra 22. mars og hefst leikurinn klukkan 19:45. Leikurinn gegn Frakklandi fer síðan fram 25. mars og hefst klukkan 19:45.

Ísland hefur mætt Andorra fimm sinnum og unnið alla leikina, með markatöluna 14-0. Síðast léku liðin 14. nóvember 2012 og endaði sá leikur með 2-0 sigri Íslands, en leikið var ytra. Sex leikmenn sem eru í hópnum í dag tóku þátt í þeim leik.

Ísland hefur mætt Frakklandi 13 sinnum. Fjórir leikir hafa endað með jafntefli og Frakkland hefur unnið 9. Liðin mættust síðast 11. október 2018 og endaði sá leikur með 2-2 jafntefli.

Hópurinn