[sam_zone id=1]

Krakkadalur stóð upp úr í hugmyndasamkeppni



Sævar Freyr Þráinsson bæjarstjóri fékk á dögunum heimsókn á Bæjarskrifstofuna frá hópi 8-9 ára barna.

Á þeim fundi var bæjarstjórinn spurður spjörunum úr og í kjölfar heimsóknarinnar vaknaði sú hugmynd að gefa frístundaheimili fyrir krakka í 3.-4. bekk sterkara nafn.

Börnin sem nýta sér þjónustu frístundaheimilisins og starfsfólk efndu til hugmyndasamkeppni um nýtt nafn – og komu mörg nöfn til greina.

Krakkadalur er nýtt nafn á frístundaheimilinu fyrir börn í 3. – 4. bekk

Sævar Freyr tilkynnti krökkunum um nýja nafnið í heimsókn sinni í frístundarheimilið og var mikið fagnað þegar bæjarstjórinn greindi frá niðurstöðunni.

Krakkadalur rímar vel við hið þekkta nafn Arnardalur sem hefur fylgt félagsmiðstöð unglinga á Akranesi frá því að sú aðstaða var opnuð.

Í Þorpinu er :

Hvíta húsið ungmennahús fyrir 16-25 ára.

Arnardalur – Félagsmiðstöð fyrir unglinga 13-16 ára.

Krakkadalur= Frístundaheimili fyrir 3.og 4.bekk.

Nánar er greint frá þessu á vef Akraneskaupstaðar. 

Auglýsing



Auglýsing