Kvennalið ÍA gerði góða ferð í Breiðholtið í gær þegar liðið sótti ÍR heim í Inkasso-deildinni.
ÍA landaði þar góðum 3-0 sigri þar sem sterkur varnarleikur ÍA lagði grunninn að sigrinum.
Sigur ÍA hefði getað verið mun stærri miðað við öll færin sem liðið fékk í leiknum.
Mörk ÍA gerðu:
Aníta Sól Ágústsdóttir
Fríða Halldórsdóttir
Eva María Jónsdóttir.
ÍA er þar með áfram í harðri toppbaráttu í Inkasso-deildinni með átta stig í öðru sæti.
Næsti leikur liðsins er miðvikudaginn 19. júní gegn Haukum en sá leikur fer fram á Norðurálsvelli.
