[sam_zone id=1]

Fyrsti sigur ÍA í höfn í miklum sóknarleik gegn Stálúlfi

Skagamenn lönduðu sínum fyrsta sigri í 2. deild karla í körfuknattleik í gær þegar liðið tók á móti liði Stálúlfs.

Leikurinn fór fram í íþróttahúsinu við Jaðarsbakka.

Sóknarleikur var það eina sem var í boði í þessum leik.

Staðan í hálfleik var 70-64 og lokatölur 143-124

Þetta var fyrsti sigur ÍA í fyrstu þremur leikjunum á Íslandsmótinu. Stálúlfur hefur tapað öllum þremur leikjunum.

Ingimundur Orri skoraði 59 stig fyrir ÍA og er þetta annar leikur hans í röð þar sem hann skorar yfir 50 stig. Þjálfari ÍA og leikmaður, Chaz Franklin, skoraði 51 stig fyrir ÍA.

Sindri Leví Ingason lék með Stálúlfi í þessum leik en hann er fyrrverandi leikmaður ÍA. Sindri Leví var næst stigahæstur með 22 stig í liði gestanna.

Lið ÍA er skipað mjög ungum leikmönnum í bland við eldri og reyndari leikmenn.

Hér fyrir neðan er myndasyrpa sem Jónas Ottósson tók á leiknum í gær.