[sam_zone id=1]

Konur í miklum meirihluta starfsfólks í skólunum á Akranesi


Á Akranesi eru fjórir leikskólar, tveir grunnskólar og einn framhaldsskóli. Leikskólarnir eru Akrasel, Garðasel, Teigasel og Vallarsel.

Grunnskólarnir eru Brekkubæjarskóli og Grundaskóli. Framhaldsskólinn er Fjölbrautaskóli Vesturlands.

Þessar stofnanir eru á meðal stærstu vinnustaða Akraneskaupstaðar.

Eins og sjá má á myndunum hér fyrir neðan er mikill meirihluti starfsmanna á þessum vinnustöðum konur. Staðreynd sem hefur reyndar legið lengi fyrir.

Hafa ber í huga í þessari samantekt að ekki er tekið tillit til starfshlutfalls.

Heildarfjöldi starfsmanna er því oft hærri en stöðugildin sem eru á hverjum vinnustað.

Aðeins fjórir karlar starfa á leikskólum Akraneskaupstaðar en hlutfall karla er töluvert hærra í Fjölbrautaskóla Vesturlands.