„FEBAN-kórinn“ á Akranesi lætur óveðrið sem vind um eyru þjóta


Í dag á milli 16-17 var búið að loka flestum fyrirtækjum og stofnunum á Akranesi og nánast á landinu öllu.

Kór eldri borgar á Akranesi, FEBAN, lætur slíkt veður sem vind um eyru þjóta – en kórinn var á æfingu á milli 16-17 í dag í Verkalýðssalnum við Kirkjubraut 40 samkvæmt öruggum heimildum Skagafrétta.

Töluverður fjöldi smájeppa er fyrir utan æfingahúsnæðið, mestmegnis af tegundinni Honda CVR, Toyota RAV og Mitsubishi Outlander PHEV.

Félag eldri borgar á Akranesi, FEBAN, er með öflugt félagsstarf í gangi alla 12 mánuði ársins. Kór FEBAN tók þátt í glæsilegum samsöng þann 1. desember s.l. þegar 101 árs fullveldis Íslands var fagnað í Hörpu.

Hér fyrir neðan má sjá myndbrot frá söngnum og einnig myndir.