Á næstu mánuðum og misserum mun ný reiðskemma rísa á svæði Hestamannafélagsins Dreyra við Æðarodda.
Það þarf að hnýta marga hnúta í formlegheitunum þegar ráðist er í slíka framkvæmd.
Eitt af því er að gefa götunni við væntanlega reiðskemmu nafn. Það þarf að gera m.a. til þess að hægt sé að stofna lóð í deiliskipulagi.
Á fundi skipulags – og umhverfisráðs á dögunum var samþykkt tillaga frá hestamannafélaginu Dreyra að gatan fái nafnið Blautós.
Þessi tillaga var síðan samþykkt á fundi Bæjarstjórnar og gatan við þjóðveg 51 verður hér eftir með nafnið Blautós.