„Gettu betur“ – lið FVA flaug áfram í 2. umferð

Í kvöld fór fram viðureign Fjölbrautaskóla Vesturlands á Akranesi og Framhaldsskólans í Vestmannaeyjum í spurningakeppninni Framhaldsskólanna, Gettu betur.

Guðmundur Þór Hannesson, Amalía Sif Jessen og Karl Ívar Alfreðsson.

Keppnislið FVA er alveg eins skipað og í fyrra þegar liðið féll úr keppni í 1. umferð.

Liðið var því reynslunni ríkara og flaug áfram í 2. umferð með því að fá 24 stig gegn 10 stigum Eyjamanna.

Keppnin fór fram í húsakynnum RÚV og var keppninni útvarpað á vefsvæðinu Núll.

Nánar hér.

Amalía Sif Jessen, Karl Ívar Alfreðsson og Guðmundur Þór Hannesson

Besti árangur FVA í þessari keppni var árið 2015 þegar FVA keppti til undanúrslita gegn FG.

Spurningahöfundar og dómarar eru Ingileif Friðriksdóttir, Vilhelm Anton Jónsson og Sævar Helgi Bragason. Spyrill er Kristjana Arnarsdóttir.