[sam_zone id=1]

Óvissa í rekstri tjaldsvæðis við Kalmansvík – leigutekjur verða „frystar“ í sumar


Það ríkir óvissa um rekstur tjaldsvæðisins í Kalmansvík vegna Covid-19 faraldursins.

Tjaldsvæðið þykir eitt það áhugaverðasta á landinu með glæsilegt útsýni m.a. yfir Faxaflóa og Snæfellsnes.

Bæjarráð fjallaði á síðasta fundi sínum um beiðni rekstraraðila tjaldsvæðisins þess efnis að „frysta“ samninginn í ljósi Covid-19 ástandsins.

Bæjarráð samþykkti beiðni rekstraraðilans um að engar leigugreiðslur verði innheimtar í sumar.

Í fundargerðinni kemur fram að í byrjun september verði farið yfir rekstur tjaldsvæðisins í samvinnu við rekstraraðila og áhrif Covid-19 faraldursins metin í kjölfarið.