Ísak AK 67 var langaflahæstur á grásleppunni á Akranesi

Grásleppuvertíðinni á Íslandi lauk með „hvelli“ þegar bann var sett á slíkar veiðar frá og með 3. maí s.l.

Eins og áður hefur komið fram eru sjómenn sem stunda slíkar veiðar á Akranesi langt frá því að vera sáttir með stöðvunina.

Sjávarútvegsráðherra tók þá ákvörðun að stöðva veiðarnar þar sem að heildarafli í lok apríl var að nálgast heildarkvóta alls veiðitímabilsins. Gríðarleg veiðir var fyrir norðan land þar sem að grásleppuvertíðin hefst að öllu jöfnu mun fyrr en á SV horni landsins.

Í afladagbókum Fiskistofu er að finna gögn sýna landanir á grásleppu í Akraneshöfn í apríl og maí.

Sex bátar lönduðu grásleppu í Akraneshöfn á þessu tímabili og var heildaaflinn alls um 92 tonn.

Heildarafli báta frá Akranesi náði hinsvegar ekki 2% af heildarafla alls tímabilsins. Og er ljóst að hlutur Akurnesingar var rýr á þessari grásleppuvertíð.

Ísak AK var með langmest eða 40 tonn í sjö löndunum, Ver Ak var með rúm 16 tonn í 12 löndunum og Ingi Rúnar AK 35 var með 12 landanir og 17,5 tonn. Til samanburðar þá var heildarafli í grásleppu í Akraneshöfn tæplega 98 tonn í fyrra, eða árið 2019. Ísak AK 67 var með rétt rúmlega 17 tonna heildarafla á árinu 2019 í grásleppu.

Hér fyrir neðan má sjá töflur yfir landanir af grásleppu í Akraneshöfn í apríl og maí 2020.