Skagakonan Sara Björk Hauksdóttir stundar nám við myndlistardeild Listaháskóla Íslands. Að því tilefni verður hún með sýningu sem ber nafnið Vinn, vinn, en sýningin er í Listasal Mosfellsbæjar – sem er staðsettur inn af Bókasafni Mosfellsbæjar í Þverholti 2.
Sýningin er opin 12-18 virka daga og 12-16 á laugardögum.
Sara Björk er fædd árið 1977 og stundar eins og áður segir nám við myndlistardeild Listaháskóla Íslands. Sara Björk er auk þess menntaður hjúkrunarfræðingur, ljósmóðir og með mastersgráðu í lögfræði.
Öll verkin á sýningunni eru gerð í samvinnu við aðra listamenn m.a. GDRN bæjarlistamann Mosfellsbæjar og Tinnu Royal bæjarlistamann Akraness.
Mörg verkanna eru unnin á tímum COVID-19 sem hafði óvæntar og skemmtileg áhrif á samstarf Söru Bjarkar við listamennina og verkin sjálf. Síðasti sýningardagur er 31. júlí.
Listasalur Mosfellsbæjar er staðsettur inn af Bókasafni Mosfellsbæjar, Kjarna, Þverholti 2. Opið er kl. 12-18 virka daga og kl. 12-16 á laugardögum. Gott hjólastólaaðgengi er að salnum.