Umdæmissóttvarnarlæknir Heilbrigðisstofnunar Vesturlands gaf eftirfarandi upplýsingar í morgun varðandi stöðuna á Covid-19 hópsmits sem kom upp á Akranesi nýverið.
Sævar Freyr Þráinsson bæjarstjóri Akrness birti þessar upplýsingar á fésbókarsíðu sinni.
Upplýsingar morgunsins frá umdæmissóttvarnarlækni HVE:
Á Akranesi eru 7 í einangrun og líðan þeirra mun vera góð að sögn heilsugæslulæknis. Þeir eru samstarfsmenn og búa saman í 2 tengdum íbúðum. Í fyrradag voru tekin sýni hjá þremur aðilum fjölskyldu sem er í sóttkví og höfðu haft umgengi við einhverja af sjömenningunum.
Sýnin reyndust neikvæð og fjölskyldan heldur því áfram í sóttkví.
15 sýni hafa verið tekin það sem af er vikunnar hér á Akranesi af fólki, sem leitað hefur til heilsugæslunnar með óljós og væg sjúkdómseinkenni en öll sýnin hafa reynst neikvæð.