[sam_zone id=1]

32 ný Covid-19 smit greindust á Íslandi í gær – Tvö ný smit á Vesturlandi



Alls 32 greindust með Covid-19 smit í gær á Íslandi og þar af voru tvö smit á Vesturlandi.

Þetta kemur fram á vefnum covid.is en tölfræðiupplýsingar á vefnum eru uppfærðar kl. 11 daglega.

Sautján þeirra sem greindust voru í sóttkví við greiningu. Alls eru fimm nú á sjúkrahúsi vegna Covid-19, þar af tveir á gjörgæslu. Í gær voru fimm á sjúkrahúsi og þar af einn á gjörgæslu.

Nú hafa 2.663 manns greinst smitaðir af Covid-19 frá upphafi faraldursins á Íslandi. Tíu þeirra sem hafa veikst af Covid-19 eru látnir.