Breytingar fyrirhugaðar á sviðinu í Tónbergi

Bæjarráð Akraness samþykkti á síðasta fundi sínum um umsókn frá Tónlistarskóla Akraness um breytingar á sviði í Tónbergi.

Um er að ræða framkvæmd sem var búið að samþykkja í fjárhagsáætlun ársins 2020 en ekki náðist að ljúka við verkefnið fyrir áramótin.

Breytingin mun kosta tæplega 14,3 milljónir kr. en ekki kemur fram í bókun bæjarráðs hvaða breytingar eru fyrirhugaðar á sviðinu í Tónlistarskólanum.

Tónlistarskólinn á Akranesi ar stofnaður árið 1955 en árið 2008 var starfssemin flutt í nýtt húsnæði við Dalbraut.

Tónberg er einn glæsilegasti tónleika- og ráðstefnusalur á Akranesi, búinn fullkomnustu tækjum til hverskyns flutnings bæði á töluðu máli og tónlist. Hann tekur alls 177 manns í sæti og er hljómburðurinn einstakur.