Valdís Þóra Jónsdóttir, kylfingur úr Golfklúbbnum Leyni hér á Akranesi, náði í dag frábærum árangri. Hún tryggði sér keppnisrétt á næsta tímabili á sterkustu atvinnumótaröð Evrópu, LET Evrópumótaröðinni. Valdís endaði í öðru sæti á lokaúrtökumótinu á -15 höggum undir pari vallar en þetta er besti árangur sem Íslendingur hefur náð á lokaúrtökumóti fyrir sterkustu mótaröð Evrópu.
Valdís var að taka þátt í fjórða sinn á ferlinum á þessu lokaúrtökumóti og er þetta í fyrsta sinn sem hún kemst í gegnum síuna.
![](https://skagafrettir.is/wp-content/uploads/2016/12/31739793235_a98d990491_o-1132x670.jpg)
Við hér á skagafrettir.is óskum Valdísi hjartanlega til hamingju með árangurinn og öllum þeim sem komu að þessu. Vel gert.