Hestamannafélagið Dreyri heldur upp á 70 ára afmæli sitt á þessu ári en félagið var stofnað þann 11. maí árið 1947. Félagar úr Dreyra létu svo sannarlega vita af sér í góðviðrinu í dag á Akranesi þar sem þeir riðu um götur bæjarins í tilefni Góugleðar.
Hópurinn lagði af stað rétt eftir hádegi í dag frá Æðarodda, niður á Akranes, inn á Ægisbraut, Vesturgötu, Stillholt, Þjóðbraut og í átt að hesthúshverfinu að nýju.
Guðmundur Bjarki Halldórsson tók þessar myndir í dag en fleiri myndir má sjá á fésbókarsíðu Bjarka.
