Fimleikafélag ÍA var með átta fulltrúa á úrtökuæfingum fyrir hópfimleikalandslið Íslands. Valið verður í landsliðin fyrir Evrópumeistaramótið sem fram fer í október 2018 í Portúgal og er því að miklu að keppa fyrir þá sem eru í þessum úrtakshóp.
Úrtökuæfingar fyrir kvennalandsliðið, blandað lið fullorðinna og hluta af unglingsstúlkum fóru fram í Gerplu um s.l. helgi og tóku Írena Rut Elmarsdóttir og Sóley Brynjarsdóttir þátt á þeirri æfingu. Einnig var hópur unglinga við æfingar hjá Stjörnunni í Garðabæ.
![](https://skagafrettir.is/wp-content/uploads/2017/10/22550693_10214656755552035_1716971968_o-1132x670.jpg)
Gríðarlega góð þátttaka var á æfingunum en með dómurum og þjálfurum sem tóku þátt í æfingunni voru rúmlega 200 manns að vinna að því að Ísland verði upp á sitt besta á EM í Portúgal í október á næsta ári.
Frá vinstri: Aldís Inga Sigmundsdóttir, Salka Brynjarsdóttir, Guðrún Julianne Unnarsdóttir, Thelma Ragnarsdóttir, Guðný Sigurrós Jóhannsdóttir, Hrafnhildur Jökulsdóttir og Valdís Eva Ingadóttir.
Írena Rut Elmarsdóttir
Sóley Brynjarsdóttir var einnig í þessum hóp en hún varð fyrir því óláni að fara úr axlarlið á æfingu hjá ÍA á dögunum. Við óskum henni góðs bata.
![](http://localhost:8888/skagafrettir/wp-content/uploads/2017/10/22554230_10214666681920188_1841146442_n.jpg)
![](http://localhost:8888/skagafrettir/wp-content/uploads/2017/10/22643105_10214666681880187_581091299_o-1024x615.jpg)