Slökkvilið Akraness og Hvalfjarðarsveitar var kallað út í dag í malarnámu við Hólabrú rétt norðan við Hvalfjarðargöngin. Þar hafði eldur komið upp í vélarrými á stórri vinnuvél. Viðgerð stóð yfir á vinnuvélinni og blossaði eldur upp.
Slökkviliðið náði að slökkva eldinn sem var töluverður eins og sjá má á þessum myndum. Skemmdir eru miklar á vélinni sem var rúmlega 10 ára gömul og er vélin líklega ónýt.
![](https://skagafrettir.is/wp-content/uploads/2018/04/Vinnuvél-eldur-1-1132x670.jpg)