Nemendur í 9. bekk Grundaskóla fengu á dögunum viðurkenningu sem „Varðliðar umhverfisins“ fyrir verkefnið „Hafðu áhrif“ en það var unnið s.l. haust.
Viðurkenninguna veita Umhverfisráðuneytið, Landvernd og fleiri aðilar. Guðmundur Ingi Guðbrandsson, umhverfisráðherra afhenti viðurkenninguna.
![](https://skagafrettir.is/wp-content/uploads/2018/04/30420822_1774561252600786_6570756017320042991_o-1132x670.jpg)
Verkefnin sem krakkarnir unni voru mjög fjölbreytt. Saumaðir voru innkaupa- og ávaxtapokar sem seldir voru á Malaví markaðnum. Nemendur fóru í heimsókn til yngri bekkja og ræddu við þau um mikilvægi flokkunnar og fylgdu því svo eftir með nokkrum heimsóknum – ásamt fleiri áhugaverðum verkefnum.
Krakkarnir skrifuðu einnig bréf til bæjarstjórans og óskuðu eftir því að það væru settar flokkunartunnur í skógræktina.
Guðmundur Ingi Guðbrandsson, umhverfisráðherra afhenti viðurkenninguna.