Skagamaðurinn Arnór Sigurðsson lét heldur betur til sín taka í dag þegar hann fékk tækifæri í byrjunarliðinu með Norrköping í sænsku úrvalsdeildinni í knattspyrnu.
Arnór, sem er fæddur árið 1999, og er enn 18 ára gamall gerði sér lítið fyrir og skoraði bæði mörk Norrköping gegn Östersund á útivelli.
![](https://skagafrettir.is/wp-content/uploads/2018/04/jJnCM2NZ-1024x670.jpg)
Þetta eru fyrstu mörkin sem Arnór skorar fyrir Norrköping í sænsku úrvalsdeildinni. Íslendingar voru áberandi í liði Norrköping því Guðmundur Þórarinsson lagði upp bæði mörkin.
Norrköping er í 3. sæti deildarinnar með 13 stig.