Ísólfur Haraldsson hefur svo sannarlega hitt á slagæð menningarlífsins á Íslandi.
Skagamaðurinn er með fangið fullt af verkefnum alla daga.
Ísólfur er maðurinn sem stendur á bak við endurkomu hljómsveitarinnar Írafárs.
Rúmlega 4000 áhorfendur munu upplifa Írafár um þessa helgi í Eldborgarsal í Hörpunni.
Írafár hefur ekki komið fram í 13 ár og er gríðarlegur áhugi á endurkomu hljómsveitarinnar.
Þetta er í þriðja sinn sem Ísólfur nær að fylla Eldborgarsal Hörpunnar. Hann stóð að tónleikum Dúmbó og Steina þar sem færri komust að en vildu í Eldborgarsalnum.
