Fasteignasalan HÁKOT fagnaði 25 ára afmæli sínu þann 23. júlí. Hjónin Daníel Rúnarsson og Halla Ingólfsdóttir opnuðu fyrst að Kirkjubraut 17.
Kirkjubrautin hefur skipað stóran sess hjá fyrirtækinu því á 25 árum hefur HÁKOT verið á þremur stöðum við Kirkjubrautina og einnig við Skólabraut 21.
„Við viljum þakka öllum viðskiptin og samskiptin á þessum 25 árum og höldum ótrauð áfram veginn í bæjarfélagi sem hefur dafnað og stækkað vel á þessum árum,“ segja Daníel og Halla í færslu á fésbókinni. Dóttir þeirra, Hrefna Dan, sem starfar með föður sínum í þessu fagi hrósar þeim „gamla“ í hástert í færslu á fésbókarsíðu sinni.
„Við fögnuðum 25 ára afmæli fasteignasölunnar í dag 🎊 Gæðablóðið hann pabbi minn er búin að vera ansi lengi í bransanum og þvílíkur fagmaður fram í fingurgóma sem hann er, kóngurinn🤴🏻 .. hann er mín fyrirmynd í starfi og stærsta ástæðan fyrir því að ég valdi mér þetta nám, því mig langar jú að verða nákvæmlega eins og pabbi þegar ég verð stór ❤“ – skrifar Hrefna Dan.
Auglýsing
