Einn leikmaður með Skagarætur í fyrsta A-landsliðshóp Jóns Þórs

Auglýsing

Skagamaðurinn Jón Þór Hauksson þjálfari A-landsliðs kvenna í knattspyrnu hefur valið sinn fyrsta landsliðshóp.Einn leikmaður í A-landsliðshópnum kemur frá Akranesi en það er Hallbera Guðný Gísladóttir, sem leikur með Val í Reykjavík.

Jón Þór tók við starfinu í október s.l. Fyrsta verkefni liðsins undir hans stjórn er vináttuleikur gegn Skotlandi sem fram fer fer á La Manga á Spáni 21. janúar.

„Ég get ekki beðið eftir því að vinna með hópnum,“ sagði Jón Þór við Morgunblaðið eftir að hann kynnti sinn fyrsta landsliðshóp.

„Þetta er spennandi mótherji enda áttu Skotar virkilega gott ár í fyrra, unnu sinn riðil í undankeppni HM og eru á leið á lokamótið í sumar. Verkefnið sem slíkt er mjög spennandi og ekki síst kærkomið fyrir okkur, enda fyrsta verk okkar þjálfaranna og í fyrsta skipti sem hópurinn kemur saman eftir leikina tvo í haust. Þetta er mjög mikilvægt verkefni,“ sagði Jón Þór. Síðustu leikir landsliðsins voru í undankeppni heimsmeistaramótsins í september þar sem Ísland missti af sæti í umspili eftir tap fyrir Þjóðverjum og jafntefli gegn Tékkum.

Hópurinn