Öll leyfi eru í höfn varðandi niðurrif Sementsstrompsins.
Sævar Freyr Þráinsson segir í samtali við mbl.is að beðið sé færis með framkvæmdina og þar leikur veðrið stórt hlutverk.
Strompurinn verður sprengdur en hann mun ekki falla til jarðar í heilu lagi.
Fyrst verður efri hluti hans felldur með sprengihleðslu sem sett verður í strompinn í um 25 metra hæð. Strompurinn er um 70 metra hár. Fjórum sekúndum eftir að fyrri sprengihleðslan hefur sprungið verður sú síðari sett í gang við rætur strompsins.
Nokkur hús sem eru staðsett alveg við strompinn verða rýmd í öryggisskyni.
Sérfræðingar frá dönsku verkfræðifyrirtæki hafa veitt fyrirtækinu Work North ráðgjöf við niðurrifið.
Auglýsing
Auglýsing
