Fjórir Skagamenn komu við sögu í U-17 ára landsliði Íslands í knattspyrnu karla sem lék gegn Þýskalandi í dag í milliriðli undankeppni EM 2019.
Ísland er í afar góðum málum í millriðli sínum í undankeppni Evrópumóts karla 17 ára og yngri eftir 3:3-jafntefli við heimamenn í Þýskalandi í 4. riðli í dag.
Frá vinstri. Hákon Arnar, Oliver, Jón Gísli, og Ísak Bergmann.
Andri Lucas Guðjohsnen skoraði öll mörk íslenska liðsins. Staðan var 2-1 í hálfleik fyrir Þýskaland. Andri jafnaði metin í upphafi síðari hálfleik og á 63 mínútu jafnaði hann enn á ný fyrir Ísland með þriðja marki sínu.
Ísland er í toppsæti riðilsins með fjögur stig eftir tvo leiki og með sigri á Hvíta-Rússlandi á þriðjudaginn, gulltryggir liðið sér sæti í lokakeppninni sem fram fer á Írlandi í maí.
Strákarnir unnu Slóveníu 2-1 í fyrsta leik sínum í riðlinum á meðan Þjóðverjar gerðu jafntefli við Hvíta Rússland 1-1.
Þrír leikmenn úr röðum ÍA voru í byrjunarliðinu í dag og var Oliver Stefánsson fyrirliði, Ísak Bergmann Jóhannesson og Jón Gísli Eyfjörð Gíslason voru einnig í byrjanarliðinu. Hákon Arnar Haraldsson kom inná sem varamaður undir lokin í stöðunni 3-3.
Jón Gísli, sem kom til ÍA úr Tindastóli í vetur, skoraði eitt marka Íslands í fyrsta leiknum og lagði upp annað mark.
Leikurinn hófst kl. 11:00 og var hægt að horfa á leikinn hér fyrir neðan á vef þýska knattspyrnusambandsins.
Smelltu á myndina hér fyrir neðan til að horfa á leikinn eða hér:
Byrjunarlið Íslands
Ólafur Kristófer Helgason (M)
Róbert Orri Þorkelsson
Oliver Stefánsson (F)
Jón Gísli Eyland Gíslason
Valgeir Valgeirsson
Ísak Bergmann Jóhannesson
Andri Lucas Guðjohnsen
Davíð Snær Jóhannsson
Mikael Egill Ellertsson
Andri Fannar Baldursson
Orri Hrafn Kjartansson
Auglýsing
Auglýsing
