Skagamennirnir Hákon Haraldsson og Jón Gísli Eyland Gíslason hafa að undanförnu æft með sænska úrvalsdeildarliðinu IFK Norrköping.
Hákon er fæddur árið 2003 og Jón Gísli árið 2002 en hann gekk í raðir ÍA frá Tindastóli s.l. haust.
![](https://skagafrettir.is/wp-content/uploads/2019/04/57321567_2597891286901825_5172884471300489216_o-1132x670.jpg)
Þeir eru báðir gríðarlega efnilegir og eru hluti U17 ára landsliðinu sem spilar í lokakeppni Evrópumótsins í Írlandi í maí.
Fyrir hjá sænska félaginu eru þeir Oliver Stefánsson (2002) og Ísak Bergmann Jóhannesson (2003) en þeir koma einnig báðir frá Akranesi.
Arnór Sigurðsson, sem nú leikur með CSKA í Moskvu, hóf atvinnumannaferilinn hjá IFK Norrköping.