Erla Karitas Jóhannesdóttir var hetja ÍA í kvöld þegar liðið sigraði FH í 2. umferð Mjólkubikarkeppni kvenna í knattspyrnu.
Erla Karitas skoraði eina mark leiksins í síðari hálfleik og tryggði ÍA áframhaldandi þátttöku í keppninni.
![](https://skagafrettir.is/wp-content/uploads/2019/05/kvennaliðia2019-1132x670.jpg)
Liðin léku nýverið í Inkasso-deild kvenna á Íslandsmótinu og þeim leik lauk með jafntefli.
![](http://localhost:8888/skagafrettir/wp-content/uploads/2019/05/7.Erla-Karitas.gif)
Leikurinn fór fram í kvöld á Kaplakrikavelli í Hafnarfirði. Á sama tíma og fyrra undanúrslitakvöldið í Söngvakeppni evrópskra sjónvarpsstöðva fór fram í Ísrael.
ÍA konur skemmtu sér án efa mun betur í þessum leik en þeir sem fylgdust með Söngvakeppni evrópskra sjónvarpsstöðva á sama tíma.