Margir hafa lagt leið sína á hið formfagra Akrafjall að undanförnu í góða verðrinu.
Vinsælustu gönguleiðirnar eru Háihnúkur (555 metrar) og að Geirmundartindi (643 metrar.)
![](https://skagafrettir.is/wp-content/uploads/2019/06/akrafjall-1132x670.jpg)
Göngufólk á öllum aldri fer á Akrafjallið á hverju ári.
Flestir skrá nafn sitt í gestabók sem er á Háahnúk.
![](http://localhost:8888/skagafrettir/wp-content/uploads/2019/06/62381456_10215764772896172_5196629034787667968_o-1024x498.jpg)
Nýverið setti Magnús Brandsson göngugarpur og kylfingur nýja gestabók á Háhnúk – en sú gamla rúmaði ekki fleiri nöfn. Ekki liggur fyrir hversu margir göngugarpar leggja leið sína á Akrafjallið á hverju ári.
Akrafjall er eitt þeirra fjalla sem er tiltölulega auðvelt að ganga á og hentar því fjölskyldufólki sérstaklega vel.
Það þarf ekki mikla reynslu eða dýran útbúnað til að ganga á Akrafjall þó nauðsynlegur hlífðarfatnaður og lágmarks þrek verði að vera til staðar.