Umtalsverð fjölgun í golfíþróttinni – en ekki á Akranesi

Umtalsverð fjölgun er í golfhreyfingunni á Íslandi miðað við þau gögn sem lágu fyrir í félagaskrá í golfklúbbum landsins þann 1. júlí sl.

Um 4% heildaraukning er á landsvísu eða sem nemur tæplega 700 kylfingum. Alls voru 17.859 kylfingar skráðir þann 1. júlí sl. og er þetta er mesta fjölgunin frá árinu 2009 eða í áratug.

Hjá Golfklúbbnum Leyni á Akranesi voru 471 skráðir félagar, þar af 79 börn og unglingar 15 ára og yngri. Það er sami félagafjöldi og var þann 1. júlí 2018. Breytingin er því engin og er það athyglisvert þar sem að frábært veður hefur verið í sumar og ný Frístundamiðstöð til staðar á Garðavelli.

Á Vesturlandi öllu var 6% fjölgun kylfinga.

Á landsvísu er aukningin mest hjá þeim allra yngstu og elstu í hreyfingunni, 9 ára og yngri og 60 ára og eldri.

Rúmlega 60% allra kylfinga eru búsettir á höfuðborgarsvæðinu. Aukningin er mest á því svæði, og einnig á Suðurlandi en 76% skráðra kylfinga búa á þessum svæðum. Einnig fjölgaði á Suðurnesjum og á Vesturlandi.

Golfklúbbur Brautarholts bætir hlutfallslega mest við sig nýjum kylfingum eða um 85% aukning. Margir golfklúbbar eru með töluverða fjölgun í sínum röðum en heildarlistann má sá hér fyrir neðan:

Kylfingar eftir landshluta: 

Kylfingar eftir kyni og aldri: