Ísak Bergmann Jóhannesson skoraði sitt fyrsta mark í gær fyrir aðallið IFK Norrköping. Skagamaðurinn ungi var að leika sinn fyrsta leik með aðalliði sænska úrvalsdeildarliðsins.
Um var að ræða leik í sænsku bikarkeppninni gegn IFK Timrå. Mótherjarnir leika í sænsku 2. deildinin sem er fjórða efsta deild í Svíþjóð. Í 2. deild í Svíþjóð er leikið í 6 riðlum og eru 14 lið í hverjum riðli, alls 84 lið.
![](https://skagafrettir.is/wp-content/uploads/2019/08/Screen-Shot-2019-08-21-at-11.36.27-PM-1132x670.png)
Eins og áður hefur komið fram skoraði Ísak Bergmann þriðja mark IFK Norrköping í 6-1 sigri liðsins.
IFK Norrköping tryggði sér með sigrinum sæti í 32 liða úrslitum.