Skagablaðið var áskriftarblað sem gefið var út vikulega hér á Akranesi á árunum 1984-1994.
Skagamaðurinn Sigurður Sverrisson var lengst af ritstjóri blaðsins og útgefandi.
Skagablaðið naut vinsælda á meðal bæjarbúa en á upphafsárum Skagablaðsins var það selt í rúmlega 1000 eintökum á Akranesi og víðar.
Skagablaðið er nú aðgengilegt á vefnum timarit.is og það er óhætt að segja að þar sé marga gullmola að finna.
Við hér á skagafrettir.is ætlum að birta á næstu vikum og mánuðum brot úr greinum og fréttum Skagablaðsins.
![](https://skagafrettir.is/wp-content/uploads/2019/09/Skagafrettir-520-look-copy-535x670.jpg)
Spurning vikunnar frá því föstudeginum 9. nóvember árið 1984 afar áhugverð.
Notar þú endurskinsmerki?
Þar má sjá að ökukennarinn Ágústa Friðriksdóttir á enn margt ólært, Hörður Harðarson gekk ekki mikið um götur bæjarins, Eyrún Inga Þórólfsdóttir var enn að ákveða sig og Steinunn Árnadóttir var sú eina sem var með þetta á hreinu.
![](http://localhost:8888/skagafrettir/wp-content/uploads/2019/09/Skagafrettir-520-look-copy-523x1024.jpg)